Comezamos: o luns os nenos chegaron á clase despois dunha nova festa a fin de semana "O San Antón". É unha festa onde se fai unha fogueira e ásase un chourizo. Ummm, que rico!
Tamén o luns os pais dos alumnos estiveron na clase para que Ricardo lles explicara como se facía o traxe de reno do Entroido.
O martes, os nenos tiveron un exame de Galego, polas caras penso que lles debeu saír ben; e o xoves, outro exame de Lingua Castelá.
Ese mesmo día, pola tarde, Ricardo díxolles aos nenos que ía presentarlles a dous novos compañeiros, que ían estar con eles durante o tema de Naturais; eles pensaron que serían uns nenos normais, pero resultou que eran dúas figuras do laboratorio! Os rapaces, coma sempre que aparece algo novo na clase, puxéronlles nome: Mortadelo e Filemón.
Houbo un novo cambio coas mesas da clase, o titor colocounos facendo un círculo de cara á pizarra, todos parecían moi contentos, e eu tamén...
Por último o venres Ricardo fixo o sorteo da "Volta ao mundo con 23 alumnos". Colleu unha lata e meteu os nomes de moitos países e as súas capitais, e cada neno ía sacando unha sen mirar.
Adeus! Ata a vindeira semana.
No hay comentarios:
Publicar un comentario